जनसंघर्ष न्युज

श्री. सद्गुरू सत्संग मंडळतर्फे  जिल्ह्यात प्रसार सेवा आयोजन. जनसंघर्ष न्युज  श्री.सद्गुरू सत्संग मंडळ, धुळे जळगाव तर्फे परम पूज्य  सद्गुरू श्री रामकृष्ण सरस्वती स्वामी महाराज यांच्या कृपाशीर्वादाने धुळे सामुदायिक प्रसार सेवा आयोजित करण्यात आली आहे. ही सेवा दिनांक १४ ऑगस्ट ( ऐच्छिक ) शिरपूर येथे व १५ व १६ ऑगस्ट  (अर्धा दिवस) २०२६ रोजी धुळे येथे मंडळातील सर्व दत्त भक्त घरोघरी जाऊन वेदविद्या संवर्धनाचे तसेच परम पूज्य सद्गुरुंचे मार्गदर्शन करणारी ( गुरुवाणी , अमृतकलश, नित्य गुरूवाणी, श्री रामकृष्ण उवाच, सद्गुरू संवाद ) ग्रंथसंपदा प्रसाराचे कार्य करणार आहेत. परम पूज्य सद्गुरूंच्या कृपेने अहिल्यानगर , सावेडी येथे वेदांत विद्यापीठ आणि भव्य श्री दत्तक्षेत्र उभारण्यात आले आहे. या वैदिक कार्यात धुळे व शिरपूर येथील सर्व भाविकांनी सहकार्य करावे, असे आवाहन प्रसार सेवा समिती श्री.सद्गुरू सत्संग मंडळ, धुळे जळगांव तर्फे करण्यात आले.यासाठी गजानन बयाणी, जळगांव  रोहिदास पाटील,धुळे,हेमंत देवळे,धुळे, सुभाष चौधरी, जळगांव , राहुल इंगळे, जळगांव संपर्क साधावा.

मुख्यमंत्री युवा कार्य प्रशिक्षण योजनेतील प्रशिक्षणार्थींना भरती प्रक्रियेत प्राधान्य देण्याची मागणी. जनसंघर्ष न्युज  धुळे, दि. ४ ऑगस्ट – मुख्यमंत्री युवा कार्य प्रशिक्षण योजना पूर्ण केलेल्या प्रशिक्षणार्थींना विविध निमशासकीय, शासकीय कार्यालये तसेच आउटसोर्सिंग (कंत्राटी) भरती प्रक्रियेत प्राधान्य द्यावे, या मागणीसाठी श्री संत बागडे बाबा मानव मित्र संघटना, महाराष्ट्र राज्य व युवा प्रशिक्षणार्थी संघटना, साक्री तालुका यांच्या वतीने जिल्हाधिकाऱ्यांना निवेदन देण्यात आले. निवेदनात सांगण्यात आले आहे की, राज्यातील सांगली, जालना, रायगड व जळगाव जिल्ह्यांप्रमाणे धुळे जिल्ह्यातही प्रशिक्षणार्थींना रोजगाराच्या संधी उपलब्ध करून देण्यासाठी आवश्यक आदेश काढावेत. शासनाच्या ९ जुलै २०२४ रोजीच्या शासन निर्णयानुसार प्रशिक्षण पूर्ण केलेल्या उमेदवारांना संबंधित उद्योग व आस्थापनांमध्ये संधी देण्याची तरतूद असून त्याची प्रभावी अंमलबजावणी धुळे जिल्ह्यातही करण्यात यावी, अशी मागणी करण्यात आली. यासंदर्भात लवकर निर्णय न घेतल्यास १४ ऑगस्ट २०२६ रोजी मानव मित्र संघटनेच्या नेतृत्वाखाली प्रशिक्षणार्थी आमरण...